Япраҡ яҙмышы. Гөлнур Ғиззәтуллина

Бөрө ине ҡасандыр йәш япраҡ, Йәй үткәйне - инде һарғайҙы. Һарылығы һаман-һаман әле Хәтерләтеп тора яҙҙарҙы.

Һары бәпкә, һары умырзая,
Яҙ төҫөнөң йәме - күбәләк...
Ыуыҙ япраҡ өсөн һәммә донъя
Ҡояш ине - йылы, түңәрәк.

Ләкин көҙгө елдәр һарылыҡты
Үҙ йөҙөнә һирпкәс һиҫкәнде:
Үттеләме, шулай үттеләме?
Һиҙмәй ҡалды ергә төшкәнде.

Яҙмыш еле осорҙо алыҫҡа -
Ҡайҙа барып, ҡайҙа еткәндер.
Аяҡ аҫтарында тапалдымы?
Әллә тупраҡҡамы түшәлде?..

Минең дә бер ваҡыт көҙөм килер,
Ишек шаҡып инер, ҡулын бирер,
Һәм дә ҡалыр кире китмәҫкә...
Ә тәбиғәт яңынан йәшәрер
Яҙы килер - ҡышы үткәс тә,
Бөрө генә булыр тыуыр япраҡ...

Читайте нас:

Телефон

8-34754 (2-34-45)

Электрон почта

[email protected]

Адресы

452122, Альшеевский район, с. Раевский, ул. Кирова, 3

Реклама хеҙмәте

8-34754( 2-34-46)

Редакция

8-34754 (2-34-49

Кадрҙар бүлеге

8-34754 (2-34-47)