"Йөрәктәге яҙмалар"

З. Биишева исемендәге “Китап” нәшриәтендә күренекле шағир, публицист һәм ғалим-энциклопедист, Салауат Юлаев исемендәге дәүләт премияһы лауреаты, яҡташыбыҙ Рәшит Шәкүрҙең “Йөрәктәге яҙмалар” исемле китабы донъя күрҙе. Яҙыусы үҙ дәүере, ике быуат араһында үҙе уртаһында ҡатнашып йөрөгән бик күп ижтимағи-сәйәси ваҡиғалар хаҡында бәйән итә, халҡыбыҙ һәм республикабыҙ яҙмышы өсөн хәҙер ҙә әһәмиәтле проблемаларҙы күтәрә. Хәтирәләр иң элек “Ағиҙел” журналында баҫылып сыҡты.