Әллә өндә,әллә төштә булды...

Тағы эҙәрлекләй ғәрәсәттәр,

Баш осомда оса ҡоҙғондар,

Көсһөҙ ҡулдар йоҙроҡҡа төйнәлеп,

Йөрәк тапҡырына ҡундылар.

Устарымда туңған йәнем илай-

Күҙ йәшемдән ,әллә,күшекте...

Өмөтөмдө ,инде өҙәм тигәс,

Инде ябам тигәс, ишекте,

Әллә өндә,әллә төштә булды,

Шундай серле һүҙҙәр ишеттем:

-Болот артында бит һәр саҡ ҡояш,

Болот шаршауҙарын үҙең ас!

Асайым да болот шаршауҙарын,

Ал ҡояштан нурҙар һорайым.

Барыр юлдарымды гел кәртәле,

Гел тау-ташлы итмә,хоҙайым.

Миңә генә инселәнгән бәхетем

Уҙып китте,әллә кисекте,

Әҙәм балаһына күп кәрәкме-

Уңыш мине юлдаш-иш итһен!..

Әллә төштә,әллә өндә булды,

Тағы серле һүҙҙәр ишеттем:

-Үҙ ҡулдарыңда бит үҙ бәхетең,

Ҡыйыуыраҡ атла алға,кешем!

(2008)

Гөлнур Ғиззәтуллина

Читайте нас:

Телефон

8-34754 (2-34-45)

Электрон почта

[email protected]

Адресы

452122, Альшеевский район, с. Раевский, ул. Кирова, 3

Реклама хеҙмәте

8-34754( 2-34-46)

Редакция

8-34754 (2-34-49

Кадрҙар бүлеге

8-34754 (2-34-47)