Ҡыҫҡартылған дәрестәр, үҙгәртелгән тәнәфестәр, битлектәр

Башҡортостан Башлығы Радий Хәбиров республика мәктәптәрендә яңы уҡыу йылының ниндәй шарттарҙа башланасағы тураһында хәбәр итте.

*Беренсенән, мәктәптәрҙә кабинет системаһы индерелә. Элекке кеүек кластан класҡа йөрөү булмаясаҡ, физкультура, физика, химия, информатика, технология дәрестәренән тыш.

*Тәнәфестәр ваҡыты төрлөсә буласаҡ.

*Мәктәптәрҙә ололар өсөн ҡәтғи битлек режимы индерелә.

*Уҡыусылар һәм уҡытыусылар ағымы бүленәсәк. Уҡыу учреждениеларына инә торған бөтә ишектәр асыҡ буласаҡ, шулай уҡ запас ишектәр ҙә.

*Уҡыу бүлмәләрен һәм коридорҙарҙы график буйынса елләтеү, уларҙы дезинфекция саралары менән эшкәреү мотлаҡ.

*Балалар күпләп йыйыла торған урындарҙа – ашханаларҙа, спорт залдарында, коридорҙарҙа - һауа таҙартҡыстар урынлаштырыласаҡ.

*Һәр бер мәктәптә дәрестәр башланыр алдынан мотлаҡ температураны үлсәйәсәктәр. Кемдәрҙе уҡыуға автобус йөрөтә, уларҙың температураһын автобусҡа ултырыр алдынан тикшерәсәктәр.

*Дәрестәр 5 минутҡа ҡыҫҡартыла.

*Социаль дистанцияны һаҡлау мотлаҡ.

“Был шарттарҙың үтәлешен медицина инспекторҙары контролдә тотасаҡ. Улар тикшереүҙәрҙе 1 сентябрҙән башлаясаҡ. Инспекторҙар сифатында беҙҙең медуниверситет һәм һигеҙ медицина колледжы студенттары буласаҡ, - тип билдәләне Радий Хәбиров.

“Башинформ”.

Фото: 360tv.ru