Пионерҙар йортонда "РобоБум" онлайн лагеры асылды.

Бөгөн Пионерҙар йортонда "РобоБум" онлайн лагеры эшләй башланы. Балаларҙы муниципаль ҡаҙна учреждениеһы методика кабинеты етәксеһе Наталья Николаевна Степанова һәм педагог ойоштороусы Резеда Хәҙис ҡыҙы Әсәҙуллина, Пионерҙар һәм уҡыусылар йорто директоры Надежда Александровна Самойлова тәбрикләү һүҙе менән ҡаршыланы.

Лагерҙа балаларҙы интеллектуаль мөхиттә сағыу онотолмаҫ тәьҫораттар көтә. Ә иң мөһиме - лагерҙа балалар компьютерҙа эшләүҙә яңы тәжрибә туплаясаҡ , компьютерҙың уйын уйнау өсөн генә түгел, ә ижади проекттар төҙөү өсөн эш инструменты икәнен дә тәрәнерәк аңлаясаҡ.