Йәш ҡәләм оҫталары өсөн яңы проект

Республиканың Яҙыусылар союзы "Башҡортостандың әҙәби мәктәбе"тигән проектты тормошҡа ашыра башлай. Унда 14 -35 йәшлек шиғыр, хикәйә, повестар яҙыусы йәш ижадсылар саҡырыла.

Республиканың Яҙыусылар союзы "Башҡортостандың әҙәби мәктәбе"тигән проектты тормошҡа ашыра башлай. Унда 14 -35 йәшлек шиғыр, хикәйә, повестар яҙыусы йәш ижадсылар саҡырыла.

Йәш һәләтле ҡәләм оҫталарын табыу маҡсаты менән ойошторолған проектта ҡатнашыу өсөн ғариза тултырып, ижад емештәреңде litshkola@mail.ru адресына ебәрергә кәрәк. Сараның иң беренсе маҡсаты - башҡорт әҙәбиәтендә быуындар күсәгилешлелеген тәьмин итеү, ижади йәштәрҙе әүҙемләштереү. Яҙыусылар союзы рәйесе Зәки Әлибаев "Башинформ" агентлығына белдереүенсә, авторҙарҙың башҡорт, урыҫ, татар телдәрендәге ҡулъяҙмаларын билдәле яҙыусылар һәм шағирҙар баһалаясаҡ.

Иң яҡшылары тип табылған әҫәрҙәр республиканың әҙәби баҫмаларында, союздың рәсми сайтында баҫыласаҡ. Уларҙың авторҙары өсөн оҫталыҡ дәрестәре, семинарҙар ойошторола.

Иң талантлы 30 автор Өфөгә бүләкләү тантанаһына саҡырыласаҡ. Йыйынтыҡ, китаптар баҫтырыу ҙа ҡаралған. Был шәп проект Республика Башлығы грантына тормошҡа ашырыла. Ҡатнашығыҙ, йәш ҡәләм тибрәтеүселәр!

https://yanshishma.rbsmi.ru/articles/i-tibar/Y-sh--l-m-o-talari-s-n-ya-i-proekt-288566/?utm_source=grf-eng&utm_medium=partner&utm_campaign=giraff.io