Транспорт сығымдарын ҡаплау өсөн

Был хаҡта республиканың Тышҡы иҡтисади бәйләнештәр буйынса дәүләт комитеты хәбәр итә.

Экспорт эшҡыуарлығын яҡлауға йүнәлтелгән әлеге сара Владимир Путиндың май указы менән раҫланған “Халыҡ-ара кооперация һәм экспорт” милли проектының “Башҡортостан Республикаһында экспортты үҫтереү” төбәк проектына ярашлы икенсе йыл рәттән тормошҡа ашырыла.

“Бөгөнгө көндәге хәл-торошҡа, шул иҫәптән коронавирустың таралыуына бәйле, программа Башҡортостан иҡтисадының тотороҡлоғон нығытыу буйынса тәү сиратта ғәмәлгә ашырылырға тейешле саралар исемлегенә индерелде”, - тип билдәләне дәүләт комитетының матбуғат секретары Илгизәр Санъяров.

Программала 2019 йылдың 1 ноябренән һуң үҙе етештергән продукцияны экспортҡа оҙатҡан предприятиелар ҡатнаша ала. Матди ярҙамдың максималь күләме – 2 миллион һум. Субсидия алыу шарттары менән комитеттың рәсми сайтында танышырға мөмкин: https://foreign.bashkortostan.ru/.

Фото: https://foreign.bashkortostan.ru/activity/16526/

ВладимирПутин#национальныепроекты#нацпроекты
#региональныепроекты#регпроекты#нацпроектыБашкортостан

Автор: Гөлдәр Яҡшығолова