Өс йәшкә тиклемге балаларға - бишәр мең һум

Был түләүҙәр, 2020 йылдың 1 июленә тиклем әсәлек капиталына хоҡуғы булған бөтә ғаиләләргә лә, хатта сертификат буйынса аҡсалар тулыһынса тотонолһа ла, түләнергә тейеш.

Эпидемиологик хәлдең киҫкен тороуы сәбәпле бүленгән был өҫтәмә финанс ярҙам әсәлек капиталы суммаһын кәметмәй һәм башҡа социаль түләүҙәр алғанда ғаилә килеме булараҡ иҫәпләнмәй.

Ярҙамды алыуға хоҡуғы булған ғаиләләр Пенсия фондына ғариза менән 1 октябргә тиклем мөрәжәғәт итә ала һәм апрелдән июнгә тиклем, йәғни өс айға, түләүҙәр аласаҡ.

Өҫтәмә түләүҙе алыу өсөн es.pfrf.ru йәки gosuslugi.ru. порталында “Шәхси кабинет” аша ғариза яҙыу ҙа етә. Сертификатҡа эйә булыусыға башҡа бер ниндәй ҙә өҫтәмә документ тапшырырға кәрәкмәй, Пенсия фонды башҡа мәғлүмәтте үҙ аллы аласаҡ.

Минислам ҒИЛМЕТДИНОВ,

Пенсия фондының район идаралығы етәксеһе.

Белешмәләр өсөн тел: 3-11-54.