Онлайн-дәрестәр ваҡытында интернетҡа көсөргәнеште кәметеү мөһим

Башҡортостандың һанлы үҫеш министры Геннадий Разумикин уҡыусыларҙың онлайн-дәрестәре ваҡытында: иртәнге 9-ҙан көндөҙгө 3-сө 30 минутҡа тиклем интернетта фильмдар ҡарамаҫҡа һәм бәйләнеш каналдарына артыҡ көс төшөрмәҫкә саҡырҙы.

«Өйҙә ултырған кешеләр интернет менән әүҙем файҙалана, — тине ул йәкшәмбелә уҙған брифингта. — Дистанцион уҡытыу ваҡытында балаларҙың нисек белем алыуы беҙҙән тора. Хәүеф аҙ, ләкин һаҡлыҡ сараларын күрергә кәрәк. Барыһын да ошо ваҡытта интернет аша фильмдар ҡарамаҫҡа, ҙур файлдар күсереп алмаҫҡа, видеошылтыратыуҙар менән ҡулланмаҫҡа саҡырам».

Бөгөнгө көндә бәйләнеш каналдары көсөргәнешле эшләй, тәьмин ителеш — 92%. Былай бер ҡасан да булғаны юҡ ине, тип белдерҙеләр ведомствола.

«Башинформ» хәбәр итеүенсә, Башҡортостанда 6 апрелдән башланған дистанцион уҡытыу кәмендә ике аҙнаға һуҙыла.

Әле республикала 1318 мәктәп иҫәпләнә, уларҙа 500 мең самаһы бала уҡый.

http://www.bashinform.ru/news/1434265-zhiteley-bashkirii-prosyat-ne-peregruzhat-internet-vo-vremya-onlayn-urokov/

Фото: yandex.com