Ялған араҡы һатыусылар тураһында дөрөҫ мәғлүмәт өсөн - аҡсалата бүләк

«Бөгөндән беҙ кешеләрҙең үлеменә сәбәпсе булған ялған спиртлы эсемлектәр менән йәшерен сауҙалағы элмәкте тағы ла нығыраҡ тартабыҙ. Мәғлүмәт еткереүселәргә аҡса түләй башлайбыҙ. Етештереүселәр хаҡында мәғлүмәткә - 50 мең һум, һатыусы тураһында мәғлүмәткә – ике мең һум», - тип вәғәҙәләй республика етәксеһе.

Халыҡты ағыулаусылар тураһында «Хәүефһеҙ мөхит» порталында (тәүлек әйләнәһенә) йәки +7 (347) 218-09-87 телефоны буйынса (эш көндәрендә иртәнге сәғәт 9-ҙан киске 7-гә тиклем) Башҡортостан Республикаһының Сауҙа һәм ҡулланыусылар хоҡуғын яҡлау буйынса дәүләт комитетына хәбәр итергә мөмкин.

фото: Яндекс