Бөгөн Өфөлә Радий Хәбиров Бөтә донъя башҡорттары ҡоролтайы президиумы ағзалары менән осрашты. Сарала шулай уҡ район-ҡала ҡоролтайҙары рәйестәре лә ҡатнашты. Башҡорт телен һаҡлау һәм үҫтереү әңгәмәнең төп темаһы булды. Бөгөнгө сарала Бөтә донъя башҡорттары ҡоролтайы 2020 йылды Башҡорт теле йылы итергә тигән тәҡдим индерҙе. Республика Башлығы Радий Фәрит улы был инициативаны хупланы.