Әсәйҙәр өсөн яҡшы яңылыҡ

Күптән түгел ил Хөкүмәте “Балалары булған ғаиләләргә өҫтәмә дәүләт ярҙамы саралары тураһында”ғы федераль закондың 10-сы статьяһына үҙгәрештәр индереү тураһында”ғы закон проектын хупланы. Закон проектына ярашлы, әсәлек капиталы аҡсаһын файҙаланып, торлаҡ йорт төҙөү йәки уны үҙгәртеп ҡороу мөмкинлеге булған ер участкалары исемлеге төрҙәре тағы берәү менән тулыланды. Был – баҡса ер участкалары. Бындай ерҙәрҙә торлаҡ йортон төҙөү йәки төҙөкләндереү өсөн әсәлек капиталы аҡсаһын файҙаланырға мөмкин. Тик шуға иғтибар итергә кәрәк: закондағы үҙгәрештәрҙә һүҙ баҡса йорто (дача) түгел, торлаҡ йорт тураһында бара. Хәтерегеҙгә төшөрәбеҙ, бөгөн икенсе һәм унан һуңғы тыуған бала өсөн бирелгән әсәлек капиталы суммаһы 450 мең һумдан ашыу тәшкил итә. 2020 йылдың 1 ғинуарынан ул 466 мең 600 һум буласаҡ.

фото/яндекс