Әлшәй хәбәрҙәре
-21 °С
Болотло
75 лет Победы
Бөтә яңылыҡтар
Новости
7 Август 2019, 17:36

Рәсәйҙә тиҙ ярҙамға юл бирмәгән шоферҙарға язаны көсәйткән закон үҙ көсөнә инде

6 августа Рәсәйҙә юлда пациенттарға ашыҡҡан тиҙ ярҙам машиналарын үткәрмәгән һәм табиптарҙың эшенә ҡаршылыҡ тыуҙырған өсөн яуаплылыҡты көсәйтеү тураһында закондар үҙ көсөнә инде.

Штрафтар биш мең һумға тиклем арттырылды. Законды боҙған өсөн өс айҙан бер йылға тиклем таныҡлыҡтан мәхрүм итеү ҙә күҙаллана.

Элек тиҙ ярҙам машинаһына юл биреүҙән баш тартҡан өсөн 500 һумғаса штраф йәки өс айға тиклем таныҡлыҡтан мәхрүм итеү ҡаралғайны.

Шулай уҡ Енәйәт кодексына тағы бер норма индерелә, уға ярашлы, медицина хеҙмәткәрҙәренең эшмәкәрлегенә ҡамасаулау сәбәпле, пациенттың һаулығына ауыр зыян килтерелгән осраҡта ғәйепле шофер ике йылға тиклем иректән мәхрүм ителә, ике йылғаса мәжбүри эштәргә ебәрелә йәки уға 80 мең һумғаса штраф һалына. Әгәр ошондай ғәмәлдәр пациенттың үлеменә килтерһә, ғәйепле кешегә дүрт йылғаса төрмә янай.

Дүрт-биш мең һумлыҡ штраф табиптарҙың эшенә ҡамасаулау пациенттың һаулығында сағылыш тапмаған осраҡта билдәләнә.
Читайте нас в