Өфөлә Башҡортостан Республикаһының Йәштәр хөкүмәте составы билдәләнде

Ултырышта БР Башлығы Хакимиәте һәм Хөкүмәте, башҡарма власть органдары вәкилдәре, конкурс комиссияһы ағзалары һәм Башҡортостан Республикаһы Йәштәр хөкүмәтен булдырыу буйынса конкурс еңеүселәре ҡатнашты.

Ултырышта Йәштәр хөкүмәте рәйесе, урынбаҫары һәм секретары һайланды. Рәйесе — Ислам Төхвәтуллин, уның урынбаҫары — Алексей Прокофьев, секретары — Айгөл Юлдашбаева.

Йәштәр хөкүмәте составынан һәр тармаҡ буйынса үҙенең министры һайланды. Мәҫәлән, иҡтисади үҫешкә — Гөлназ Ишмөхәмәтова, ер һәм мөлкәт мөнәсәбәттәренә — Альберт Арыҫланов, һаулыҡ һаҡлауға — Айгөл Нуриева, эшҡыуарлыҡ һәм туризмға — Азамат Байрамғолов, мәғарифҡа — Александр Понамарев, торлаҡ-коммуналь хужалыҡҡа — Тимур Рамазанов, мәҙәниәткә — Миләүшә Шәрипова, спортҡа Элина Хисамова яуаплы.

Йәштәр хөкүмәте айына бер тапҡыр йыйыла, республика Башлығы аппараты менән берлектәге осрашыуҙар кварталға бер булырға тейеш.