Тирә-яҡҡа нур сәсеп ултырһын беҙҙең мәсет!

Өфө ҡалаһының “Рамаҙан” мәсете имамы Фидан Ғәзизов аҙан әйткәндән һуң ағинәйҙәр башҡарыуында мөнәжәттәр яңғыраны, кисә моңло йырҙар, дәртле бейеүҙәр, уйын-көлкө менән үрелеп барҙы. Концертта Өфөнән килгән ҡунаҡтар, ҡыпсаҡ-асҡарҙарҙың данлыҡлы яҡташы, шаян һүҙ оҫтаһы Рәйфә Садиҡова һәм уның һеңлеһе Зилә лә сығыш яһаны.

Сара аҙағында имам-мөхтәсиб Марат Әбдрәхимов изге эштә ярҙам күрһәткәндәре өсөн ауыл халҡына һәм ҡунаҡтарға рәхмәт белдерҙе.