Әлшәй хәбәрҙәре
-19 °С
Болотло
75 лет Победы
Бөтә яңылыҡтар
Новости
4 Февраль 2019, 13:59

Башҡортостанда аналог тапшырыуҙарҙы туҡтатыу датаһы аталды

Башҡортостанда 2019 йылдың 3 июнендә мотлаҡ телерадиоканалдарҙың аналог тапшырыуҙары туҡтатыла. Рәсәй телерадиотапшырыуҙар селтәре директоры Юрий Матвеев 1 февралдә «Башинформ» агентлығында уҙған матбуғат конференцияһында ошо хаҡта белдерҙе.

Аналог телетапшырыуҙар трансляцияһы туҡтатылғандан һуң уларҙың йышлыҡтарында цифрлы телевидениены ҡабул итеүгә күсеү кәрәклеге тураһында хәбәр урынлаштырыла. Заставка аҙна дауамында тапшырыла.

Төбәк телеканалдары һәм мультиплекстар составына инмәгән телеканалдар аналог тапшырыуҙарын дауам итә.

Башҡортостан Хөкүмәте цифрлы телевидение өсөн ҡорамал һатып алыуға дәүләт ярҙамына хоҡуҡлы граждандарҙың категорияларын раҫланы. Улар — пенсияһына федераль өҫтәмә алған пенсионерҙар һәм аҙ тәьмин ителгән балалы ғаиләләр. Ләкин уларҙың барыһы ла цифрлы телевидение барып етмәгән тораҡ пункттарҙа йәшәргә тейеш.

Фото: Яндекс
Читайте нас в