Башҡорт флагы – Малайзияла!

Ер шарының картаһында Башҡортостан тигән республиканың барлығын төрлөсә таныталар. Мәҫәлән, Малайзияға ял итергә барған Зөһрә Аҡъюлова үҙе менән бергә Рәсәй һәм Башҡортостан флагтарын алып барған.

Куала-Лумпур ҡалаһының үҙәгендә фотоға төшкәндә ҡулындағы флагты күреп, уны ҡайһы илдеке булыуы менән ҡыҙыҡһынғандар.

– Әле Ҡытайҙа Яңы йыл байрамы дауам итә, икенсе төрлө уны Яҙ байрамы ла, тиҙәр, – тип һөйләй Ҡытайҙа йәшәгән Зөһрә Аҡъюлова. – Ял көндәрен файҙалы үткәреү маҡсатында Малайзияға юлландым. Тәүҙә Сабах штатында туҡталдым, һуңынан был илдең баш ҡалаһы Куала-Лумпурға остом. Башҡортостан исемле илдә башҡорт тигән милләттең булыуы тураһында һөйләйем, республикамдың флагы менән фотоға төшөүселәр ҙә бар.

http://bashgazet.ru/obshestvo/34948-bashort-flagy-malajzijala.htm