Мутлашыусылар яңы тоҙаҡ ҡора

Ошо көндәрҙә баҙарҙа һатыусы ҡатынға ике кеше мөрәжәғәт иткән. Бөтә аҡсалары банк картаһында булыуы, ҡулаҡса кәрәк, әммә яҡында банкомат юҡ тигәндәр. Мобиль телефон аша уның картаһына биш мең һум күсереүҙәрен, ә ҡатындан ҡулаҡса менән биш мең биреүен үтенгәндәр. Ханымға аҡса күсеүе тураһында СМС хәбәр килгәс, ул ҡағыҙ купюраларҙы тоттороп та ебәргән. Һуңынан ғына СМС-тың банктан түгел, ябай номерҙан килеүен күргән. Был хәл буйынса енәйәт эше асылған.