Газ баллоны менән уйнау уҡыусының үлеменә сәбәпсе булған

«Башҡортостан» дәүләт телерадиокомпанияһы хоҡуҡ һаҡлау органдарындағы сығанаҡҡа һылтанып хәбәр итеүенсә, ике уҡыусы көнкүрештә ҡулланыу өсөн тәғәйенләнгән газ баллоны һатып алған. Ата-әсәнең өйҙә юҡлығынан файҙаланып, улар газды телдәренә һиптергән. Бер малай үҙен насар тоя башлағас, дуҫы тиҙ ярҙам саҡырған. Табиптар үҫмерҙең үлемен теркәгән. Икенсеһен дауаханаға алып киткәндәр – уның ғүмеренә һәм һаулығына хәүеф янамай.

Әле республика Тәфтиш комитеты тикшереү уҙғара.