Башҡортостан Яҙыусылар союзы «Рамаҙан – Изгелек эстафетаһы» тигән акция иғлан итте

«Бөтөн донъя мосолмандары өсөн изге айҙа республиканың Яҙыусылар союзы хәйриә акцияһы иғлан итте. Ул мохтаждарға һәм оло йәштәгеләргә аҙыҡ-түлек йәки әйберҙәр тапшырыу, шулай уҡ аҡса күсереү, гәзит-журналдарға яҙылыу була ала. Акцияла ҡатнашыу өсөн миллионер булырға кәрәкмәй, изге йөрәкле булыу һәм яҡыныңа ярҙам итеү теләге етә», — тип аңлатты союз рәйесе урынбаҫары Рәшит Зәйнуллин.

Башҡортостан Яҙыусылар союзы рәйесе Зәки Әлибаевтың күренекле журналист һәм яҙыусы, бик күп премиялар лауреаты Мансаф Ғиләжевтың хәлен белешеүе акцияның тәүге изге эше булды. Яҙыусы яңыраҡ үҙенең 85 йәшен билдәләне. Артабан эстафета Ш.Бабич исемендәге премия лауреаты, шағирә Зөлфиә Ханнановаға тапшырылды.