Башҡортостанда протоколдарҙың 99,9 процентын эшкәртеү йомғаҡтары буйынса ғәмәлдәге дәүләт башлығы һайлаусыларҙың 77,65 процент тауышын алған. Башҡортостанда һөҙөмтәлә һайлаусыларҙың 75,4 проценты тауыш бирергә барған.
Һайлауҙарҙы ойоштороусыларҙың мәғлүмәттәре буйынса, Павел Грудинин – 12,09 %, Жириновский — 5,02 %, Ксения Собчак 1,26% тауыш йыйған.
Ҡалған кандидаттар һайлаусыларҙан 1 процентан кәм тауыш алған.
Республика Үҙәк һайлау комиссияһы рәйесе Хәйҙәр Вәлиев бөгөн, 19 мартта, иртәнге сәғәт 11-ҙә брифингта Башҡортостан буйынса дәүләт башлығын һайлауҙың һуңғы йомғаҡтарын иғлан итә.