Башҡорт ҡатын-ҡыҙҙары йәмғиәте ойошманың символикаһына конкурс иғлан итте

Эскиздар биҙәүестәр — муйынсаҡ, алҡа, төйрәмес рәүешендә булырға мөмкин. Еңеүсене «Милләт байлығы» ойошмаһынан ювелир биҙәүестәр менән бүләкләү ҡаралған.

«Киләсәктә был символ Башҡорт ҡатын-ҡыҙҙары йәмғиәтенең айырылып торған билдәһенә әүерелергә тейеш. Беҙ юбилярҙарыбыҙҙы, әүҙем ағзаларыбыҙҙы ошо билдә менән бүләкләргә ниәтләйбеҙ», — тип хәбәр итте ойошма рәйесе Гөлнур Ҡолһарина.