Йәш авторҙар өсөн әҙәби мәктәп

Республикала Башҡортостандың Әҙәби мәктәбе проекты старт алды, ул Рәсәй Президенты гранты иҫәбенә ғәмәлгә ашырыла.

Республика Яҙыусылар союзы проектында төрлө жанрҙарҙа (шиғыр, хикәйә, повесть) яҙыусы 14 йәштән алып 25 йәшкә тиклемге авторҙар ҡатнаша ала. Бының өсөн “Бәйләнештә” селтәрендәге “Башҡортостан әҙәбиәте” төркөмөндә бирелгән заявканы тултырып, litshkola@mail.ru электрон адресына йәки Башҡортостан Яҙыусылар союзының рәсми электрон почтаһына ебәрергә кәрәк.

Авторҙарҙың башҡорт, рус һәм татар телендәге ҡулъяҙмаларын республиканың билдәле яҙыусылары һәм шағирҙары баһалаясаҡ. Шулай уҡ улар йәштәрҙе ижад серҙәренә лә төшөндөрәсәк. Проекттың финалға сыҡҡан иң талантлы 30 йәш авторы Өфөгә бүләкләү тантанаһына саҡырыла.