2024 йылдың февралендә үҙ көсөнә ингән закондар

Әсәлек капиталы һәм төрлө түләүҙәр күләме арттырыласаҡ.
Ҡайһы бер пособиелар, мәҫәлән, бала тыуғанда бер тапҡыр бирелә торған пособие һәм айлыҡ страховка түләүе 7,4 процентҡа индексациялана. Әсәлек капиталы тәүге балаға - 630,4 мең һум, икенсеһенә 833 мең һум тәшкил итәсәк. Әгәр һеҙ тәүге балаға әсәлек капиталы алған булһағыҙ, икенсе балаға 202,6 мең һум өҫтәмәгә хоҡуҡлыһығыҙ.

Махсус иҡтисади саралар ҡулланыуҙы аныҡлаясаҡтар – vk.cc/cuh98J.
Мәҫәлән, аҡсаны һәм мөлкәтте сикләү рөхсәт ителә. Саралар сит ил кешеләренә һәм 50 проценттан ашыу сит ил ҡатнашлығындағы Рәсәй юридик шәхестәренә ҡағылырға мөмкин.

Банктар вкладсыларға вклад ваҡыты тамамланыуы тураһында бушлай хәбәр итәсәк – vk.cc/cuh9gi.
Мәҫәлән, ашығыс вкладтар ваҡыты үтеүгә биш көн ҡалғансы хәбәр ебәрелергә тейеш. Мәғлүмәт банк менән вкладсы араһындағы килешеүҙә ҡаралған ысул менән тапшырыла.

Федераль суд приставтары хеҙмәте банк һәм микрокредит ойошмаларының бурыс йыйыу эшмәкәрлеген контролдә тота аласаҡ – vk.cc/cuh9mO.
Быға тиклем суд приставтары профессиональ коллектор ойошмаларының эшмәкәрлегенә генә контроллек итә ине. Бурысы булған кеше һәм кредитор хәҙер үҙ-ара электрон почта һәм «Дәүләт хеҙмәттәре» аша эш итә ала.

#Аңлатабыҙ_Башҡортостан