Башҡортостанда сурдо - һәм тифлотәржемә хеҙмәттәренән нисек файҙаланырға?

Хеҙмәттәрҙән бушлай файҙаланыу өсөн улар шәхси реабилитация һәм абилитация программаһында (ИПРА) тәҡдим ителгән булырға тейеш. Сурдотәржемә хеҙмәттәре - 84 сәғәткә тиклем, тифлотәржемә 84 сәғәттән 240 сәғәткә тиклем күләмдә күрһәтелә. Ҡулланылмаған сәғәттәр аҡсалата түләнмәй һәм киләһе йылға күсерелмәй.

Рәсәй Социаль фондының республика буйынса клиент хеҙмәттәрендә йәки Дәүләт хеҙмәттәрендә ғариза бирергә мөмкин.

Документтар килгәс, белгестәр 5 көн эсендә ғариза биреүсене иҫәпкә ҡуя, артабан вәкәләтле ойошмаға йүнәлтмә бирә. Башҡортостанда сурдо- һәм тифлотәржемә хеҙмәттәрен Бөтә Рәсәй һаңғырауҙар йәмғиәтенең төбәк бүлексәһе күрһәтә.

2023 йылда республикала 1000-дән ашыу кеше ошо хеҙмәттәрҙән файҙаланған.

Иҫегеҙгә төшөрәбеҙ, берҙәм бәйләнеш үҙәгенең күрһәтелгән телефоны аша социаль һәм пенсия тәьминәте мәсьәләләре буйынса консультация алырға мөмкин: 8-800-1000001 (шылтыратыу бушлай).

#Аңлатабыҙ_Башҡортостан