Төбәктә ялған банкноталар һаны 3 тапҡырға кәмегән

Башҡортостан буйынса Милли банк мәғлүмәттәре буйынса, 2023 йылдың 9 айында республиканың банк системаһында 45 ялған купюра табылған. Был 2022 йылдың ғинуар – сентябрь айҙарына ҡарағанда өс тапҡырға кәмерәк. Ул саҡта 148 ялған аҡса булған.

Төбәктә асыҡланған ялған аҡсаларҙың күпселеге эре номиналдағы банкноталар:
биш меңлектәр - 28, бер меңлектәр 11 һәм ике меңлектәр 5 данала.

Рәсәй буйынса уртаса алғанда асыҡланған ялған аҡсаларҙың структураһы бер төрлө. Тәүге урында – биш меңлек, артабан - мең һумлыҡ һәм ике меңлек банкноталар. Ил буйынса ялған банкноталар һаны бер нисә йыл рәттән кәмей. Әгәр 2021 йыл йомғаҡтары буйынса әйләнештә булған 1 миллион банкнотаға алты ялған аҡса тура килһә 2022 йылда улар дүртәүгә ҡалған.

«Банкноталарҙың һаҡ билдәләре арта, сифаты күтәрелә. Ялған купюралар сығарыу ҡатмарлаша бара, уларҙы еңел генә асыҡларға була», – тип аңлата Рәсәй банкы бүлексәһе - Башҡортостан Республикаһы буйынса Милли банк бүлексәһе идарасыһы урынбаҫары Егор Михтанюк.

Ысын банкноталарҙың билдәләре тураһындағы мәғлүмәт менән Рәсәй банкы сайтында https://vk.cc/cpW94H йәки «Рәсәй банкы банкноталары» мобиль ҡушымтаһында https://vk.cc/co4mDw танышырға мөмкин.

#Аңлатабыҙ_Башҡортостан