Әлшәй хәбәрҙәре
-3 °С
Болотло
Бөтә яңылыҡтар
Яҡташтар
26 Сентябрь 2019, 17:34

Яҡташтарыбыҙ - “Йәшәү йәме” тапшырыуында

Юғары дәрәжәләргә ирешеп тә, ябай кеше булып ҡалған замандаштарыбыҙ.

Ошо көндәрҙә “Юлдаш” радиоһында билдәле яҡташтарыбыҙ Сажиҙә һәм Рәйес Әхмәтовтар тураһында бик матур тапшырыу эфирға сыҡты. Юғары дәрәжәләргә ирешеп тә, ябай кеше булып ҡалған замандаштарыбыҙ “Йәшәү йәме” тапшырыуында үҙҙәренең тормош юлы тураһында бәйән итте.

Тыуған яҡтарынан ситтә йәшәһәләр ҙә, ауылдаштары тураһында онотмаған, һәр ваҡыт ярҙам ҡулы һуҙып, матур эштәре менән йәнтөйәген данлап йәшәгән Әхмәтовтар тураһында район гәзитендә лә мәҡәләләр донъя күреп тора. Мәҫәлән, улар башланғысы менән Иҫке Аҡҡолай ауылында Бөйөк Ватан һуғышы яугирҙәре иҫтәлегенә таҡтаташ асылды.

Хәтерегеҙгә төшөрәбеҙ, Рәйес Вәсим улы Граждандар оборонаһы һәм ғәҙәттән тыш хәлдәр буйынса министрлыҡтың Башҡортостан Республикаһы буйынса янғын һүндереү хеҙмәте идаралығы етәксе урынбаҫары булып эшләне. Тормош юлдашы Сажиҙәнең дә хеҙмәт эшмәкәрлеге Ғәҙәттән тыш хәлдәр һәм Эске эштәр министрлыҡтары менән бәйле. Әйтергә кәрәк, хис-тойғоға бай был һөйкөмлө ханым иҫ киткес матур шиғырҙар ҙа ижад итә. Шулай уҡ береһенән-береһе һәләтле яҡташтарыбыҙ - билдәле композитор Альфред Яҡшымбәтов көй яҙған, Светлана Хәкимова, Хәлимә Ғәббәсова башҡарған был йырҙар халыҡ араһында күптән популярлыҡ яулаған да инде.

ОНОТОРҒА АШЫҠМА
Китермен дә, онотормон тимә,
Оноторға һис тә ашыҡма.
Һағыштарҙан бөгөлөрһөң килҽп,
Ярһыу ташҡындарҙай ашҡынма.


Китҽрмҽн дә, онотормон тимә
Мөхәббәттән булмай ҡотолоп.
Ҡай сағында ғорур ҡаяның да
Ярсыҡтары төшә ҡойолоп.


Китҽрмҽн дә, онотормон тимә,
Китҽүҙәрҙҽң ауыр ғазабы
Ваҡыт мҽнән барыһы ла үтә
Тик, һөйөүҙҽң булмай аҙағы.


Китҽрмҽн дә, онотормон тимә,
Ҡотолормон тимә һағыштан
Үҙ-үҙҽңдән китҽп булмағандай,
Уҙып булмай икән яҙмыштан.


ЯЛАН СӘСКӘЛӘРЕ
Күрҙҽм, йәмлҽ йәйҙҽң ҡосағында
Ялан сәскәләрҽ тулҡынын.
Шул саҡ улар минҽң күңҽлҽмдә
Уяттылар йәшлҽк ялҡынын.


Тирбәлгәндә хистәр тулҡынында
Йылы ләйсән ямғыр һибҽлдҽ.
Тамсылары сәскә таждарынан
Күҙ йәштәрҽм булып түгҽлдҽ.


Ялан сәскәһҽнҽң һәр бҽрҽһҽн
Йөрәгҽмә һалып бәүҽттҽм.
Йәшлҽгҽмдҽң үткән йәйҙәрҽнә
Тағын ҡайтҡан кҽүҽк хис иттҽм.


Йәшлҽк сафлыҡ, ул бит гөл-сәскәләй
Уға ҡарап һәр кҽм һоҡлана
Ҡабатланмай һис ни был донъяла
Йәшлҽк хәтирәһҽ һаҡлана

Сажиҙә Әхмәтова.


Читайте нас: