Февраль игеҙәктәр менән һөйөндөрҙө

Иң ҙур сабыйҙың ауырлығы – 4280 грамм, иң бәләкәйенеке 2510 грамм тәшкил итә. Балаларҙың күбеһе ғаиләлә икенсе һәм өсөнсө булып тыуған. Февраль айы ике пар игеҙәк балалар менән дә һөйөндөрҙө.

Ата-әсәләр, элеккесә, сабыйҙарына Самир, Илария, Амелия, Әмир, Артем (Артемий), Тамерлан (Тимур), Никита кеүек популяр исемдәр һайлай. Мия, Ника, Мәҙинә, Миңлегөлсөм, Марк, Эмиль, Аэлина - иң һирәк ҡушылған исемдәр. Үлем тураһында 43 акт яҙмаһы теркәлгән, был уҙған йыл менән сағыштырғанда өскә кәмерәк. Был айҙа 25 ир-ат һәм 18 ҡатын-ҡыҙ баҡыйлыҡҡа күскән.

Ҡарлы-буранлы ай 13 парға үҙ мөнәсәбәттәрен рәсмиләштерергә ҡамасауламаған (былтыр - 16). Ҡыҙғанысҡа ҡаршы, 11 ғаилә никахын тарҡатҡан, уҙған йыл менән сағыштырғанда бергә аҙыраҡ.

Зилә ВӘЛИУЛЛИНА.