Февраль (шаҡай) - ҡыштың һуңғы

Февраль (шаҡай) - ҡыштың һуңғы, йылдың икенсе айы. 28 көндән тора, ә кәбисә йылында 29 көндән. Февралдә һыуыҡ: "Һыйыр мөгөҙөн һындырыр инем дә, көнөм генә ҡыҫҡа", - тип әйтә, имеш. Бер йылытып, бер һыуытып торғанға һәм бөтә нәмәне шаҡырайтып туңдырғанға халыҡ уны элек ш а ҡ а й тип атаған.

- Февралдә ҡайын ботағында ҡар алҡа-алҡа булып аҫылынып торһа, ул йылда иген уңыр.

- Февраль ҡыш мөгөҙөн һындыра.

- Февраль – ҡарға, ә апрель һыуға бай.

- Йылы февраль һыуыҡ яҙ килтерә.

- Февраль – бүреләрҙең туй айы.

- Февраль һалҡын һәм ҡоро торһа, август эҫе буласаҡ.

- Февраль ныҡ буранлы булһа, август ямғырлы булып, ужым уңыр.

1 – Рәсәйҙең беренсе Президенты Борис Ельциндың тыуыуына - 90 йыл (1931-2007).

2 – Рәсәйҙең хәрби дан көнө. Совет ғәскәрҙәре Сталинград алышында немец-фашист илбаҫарҙарын тар-мар иткән көн (1943).

4 – Бөтә донъя яман шеш ауырыуына ҡаршы көрәш көнө.

5 – Яҡташыбыҙ, ғалим-фольклорсы, филология фәндәре докторы, профессор Иван Карпухинға – 85 йәш (1936).

8 – Рәсәй фәне көнө.

Йәш герой-антифашистарҙы иҫкә алыу көнө.

9 – Халыҡ-ара стоматологтар көнө.

10 – Дипломаттар көнө.

А. С. Пушкинды иҫкә алыу көнө (1799-1837).

11 – Бөтә донъя сырхауҙар көнө.

12 – Көнсығыш календары буйынса Аҡ Үгеҙ йылы башлана.

14 – Изге Валентин көнө. Бөтә донъя ғашиҡтар көнө.

Рәсәйҙә ҡышҡы спорт төрҙәре көнө.

15 – Ватаныбыҙҙан ситтә хәрби бурысын үтәгән рәсәйҙәрҙе иҫкә алыу көнө (Яугир-интернационалистарҙы иҫкә алыу көнө).

Татар шағиры, Советтар Союзы Геройы Муса Йәлилдең тыуыуына - 115 йыл (1906-1944).

17 – Рәсәй студент отрядтары көнө.

Изгелек эшләү көнө.

Балалар шағирәһе Агния Бартоның тыуыуына - 115 йыл (1906-1981).

18 – Транспорт полицияһы көнө.

Рәғәиб кисе.

20 – Бөтә донъя социаль ғәҙеллек көнө.

21 – Халыҡ-ара туған тел көнө.

Шағир Сафуан Әлибайҙың тыуыуына - 80 йыл (1941-2014).

23 – Ватанды һаҡлаусылар көнө.

25 – Башҡортостан Республикаһының Дәүләт флагы көнө.

Фото: photosight.ru