Әлшәй хәбәрҙәре
+12 °С
Болотло
Бөтә яңылыҡтар
Йәмғиәт
2 Июль 2020, 11:35

“Урмандарҙы һаҡлау” программаһы буйынса

“Экология” милли проектының “Урмандарҙы һаҡлау” программаһын финанслау 200 миллион һумдан ашасаҡ.

Башҡортостандың урман хужалығы министры Марат Шәрәфетдинов әйтеүенсә, быйыл Башҡортостанда ил Президенты Владимир Путиндың май указдары нигеҙендә барлыҡҡа килгән “Экология” милли проектының “Урмандарҙы һаҡлау” программаһын финанслау 200 миллион һумдан ашасаҡ. Был сумма техника һәм ҡорамалдар һатып алыуға, урманарҙы тергеҙеү буйынса сараларҙы тормошҡа ашырыуға йүнәлтеләсәк.
72 миллион һумдан ашыу аҡсаға урман янғындарын һүндереү буйынса тракторҙар, урман ултыртыу машиналары, урман культиваторҙары кеүек 23 берәмек техника һәм 50 берәмек ҡоролма һатып алынған.
Июль башында республиканың Урман янғындарын һүндереү үҙәгенә дүрт пилотһыҙ осоусы аппарат – квадрокоптер – килтереләсәк. Ә бер йыл элек өс квадрокоптер алынған. Ә улар урман һәм ундағы янғындар буйынса мониторниг өсөн кәрәк.
Марат Шәрәфетдинов былтыр урмандарҙы тергеҙеү буйынса күрһәткестәрҙең план буйынса 93 процент урынына 100,3 процент тәшкил итеүе хаҡында белдергән. Ә быйыл урмандарҙы тергеҙеү буйынса ҡуйылған мәсьәлә – 97,3 процент. Министр әйтеүенсә, ағымдағы йылда республикаға “Урмандарҙы һаҡлау” проекты буйынса күрһәткестәрҙе үтәмәү хәүефе янамай.
Фото: krasivye-mesta.ru.
Автор: Айһылыу Низамова
Читайте нас: