Башҡортостандан 72 проект Рәсәй Президенты гранттарының икенсе конкурсында еңде

Гражданлыҡ йәмғиәтен үҫтереү өсөн президент гранттарының икенсе конкурсы барышында Башҡортостандан 72 проект ғәмәлгә ашырыу өсөн ярҙам алды.

Иң яҡшы проекттар исемлегендә – фестивалдәр ойоштороу, шул иҫәптән туристик, бард йыры һәм балалар ҡатнашлығында музыкаль ҡуйылыштар.

Атап әйткәндә, Ҡыҙыл Ырғыҙлы ауылында «Башҡортостан легендалары. Архангел районы» фестиваленә 870 мең һум аҡса бирелә.

Салауат районы педагогик хеҙмәт ветерандарының урындағы ойошмаһы «Өлкән йәштәге замандаш өсөн компьютер компетенциялары» проектын күрһәтте. Уны бойомға ашырыу өсөн 448 мең йүнәлтелә.

Еңеүселәрҙең Башҡортостанда ғәмәлгә ашырылырға тейешле проекттары менән Президент гранттары фонды сайтында танышырға була.

https://www.bashinform.ru/news/1462024-72-proekta-iz-bashkirii-pobedili-vo-vtorom-konkurse-na-predostavlenie-grantov-prezidenta-rf/

Альмира Давлетбаева.

Фото: Рина Гринберг.

Читайте нас: