Белгестәр әҙерләү системаһын яйға һалырға

Рәсәй Президенты Владимир Путин генетик тикшеренеүҙәр өлкәһендә хәҙерге заман белгестәрен әҙерләү системаһын яйға һалырға ҡушты. Тейешле стенограмма Кремль сайтында баҫылған.

– Юғары уҡыу йорттары студенттары, белгестәр, йәш тикшеренеүселәрҙең һәр ваҡыт алдынғы белемдәр алыу, яңы компетенцияларға эйә булыу мөмкинлеге булырға тейеш. Генетик технологияларҙың йылдам үҫешен иҫәпкә алып, хәҙерге заман кадрҙарын әҙерләү системаһын яйға һалырға кәрәк. Һәм төплө белем биреүҙе һаҡлап ҡалып, белем биреү программаларын өҙлөкһөҙ яңыртыуҙы тәьмин итергә, – тиелә унда.