Бизнес өсөн яңы ярҙам саралары

Шәхси эшҡыуарҙар, кесе предприятиелар, ҡаза күргән тармаҡтарҙа социаль йүнәлештәге коммерция булмаған ойошмалар үҙ хеҙмәткәрҙәренә эш хаҡы түләү өсөн 2 процентлы ташламалы кредит аласаҡ. Әгәр предприятие 2021 йылдың 1 апреленә тиклем хеҙмәткәрҙәренең мәшғүллеген 90 процентҡа тиклем һаҡлаһа, кредиттың барлыҡ суммаһы һәм процент ставкаһы суммаһы дәүләт тарафынан ҡапланасаҡ. Әгәр хеҙмәткәрҙәрҙең мәшғүллеге 80 процент дәрәжәһендә һаҡланһа, икенән бер өлөшө ҡаплана. Шәхси эшҡыуарҙар страховка взностарын түләүгәөҫтәмә рәүештә бер МРОТ күләмендә (14 мең һум тирәһе) һалым ҡайтармаһы аласаҡ. Ә үҙмәшғүлдәргә 2019 йыл өсөн түләгән һалымдарҙы тулыһынса ҡайтарасаҡтар. Бынан тыш, улар бер МРОТ күләмендә “һалым капиталы” аласаҡ.

Фото: zen.yandex.ru