Халыҡ-ара ҡатын-ҡыҙҙар көнө менән!

Һеҙҙе байрам менән ихлас күңелдән ҡотлайым, ул һәр ваҡыт яҙ, матурлыҡ һәм наҙлылыҡ, ғаилә усағы йылыһы, яңы тормош башланыуын сағылдыра.

Райондың мәғариф һәм һаулыҡ һаҡлау системаһында, предприятиеларҙа һәм ауыл хужалығында, дәүләт власы һәм урындағы үҙидара органдарында индергән өлөшөгөҙ баһалап бөткөһөҙ. Һеҙ ҡатмарлы бурыстарҙы хәл итәһегеҙ, һеҙҙең менән теләһә ниндәй ауырлыҡтарҙы еңеп сығырға мөмкин. Гүзәл заттарыбыҙ беҙҙе яңынан-яңы еңеүҙәргә илһамландыра.

Йорттарығыҙҙа һәр ваҡыт мөхәббәт һәм именлек тантана итһен, яҡындарығыҙ һеҙҙе хәстәрлек һәм иғтибар менән солғап алһын, ә яҙ һеҙгә тик шатлыҡтар ғына алып килһен һәм бөтә уй-хыялдарығыҙ тормошҡа ашһын!

Әлшәй районы муниципаль район хакимиәте башлығы Дамир МОСТАФИН.