Иҫтәлекле билдәләр тапшырылды

Башҡортостанда “Ленинградты обороналаған өсөн” һәм “ Блокадалы Ленинградта йәшәүсе” миҙалдарына лайыҡ булған 118 ветеран Ленинград ҡамауын өҙөүгә 75 йыл тулыу уңайынан Санкт-Петербург хакимиәтенән иҫтәлекле билдәләр менән бүләкләнде.

Беҙҙең районда ла Раевка ауылында шундай ике ветеран йәшәй. Раиса Сәйетгәрәй ҡыҙы Муҡаева менән Галина Владимировна Семененкоға “Блокадалы Ленинградта йәшәүсе” иҫтәлекле билдәһен тантаналы шарттарҙа район хакимиәте башлығы Дамир Мостафин тапшырҙы.