Ҡара әле, әллә ни ҡиммәт тә түгел икән...

Ире ҡатынына:
– Ҡарасы, һөйөклөм, бөгөн ни тиклем балыҡ тоттом!
– Алдашма. Күрше Сәкинә һинең ит-балыҡ магазинына ингәнеңде күргән!.. Һөйләп китте инде миңә...
– Әәә, эйеее! Бер өлөшөн шул магазин хужаһына һатырға тура килде хатта!..

***

Бер ир бала табыу йортона килә. Уның янына шәфҡәт туташы төшә.
– Һеҙҙең малай! 4200 ...
Теге ир янсығынан 4200 һум сығарып:
– Ҡарале һин уны, ә, бик ҡиммәт тә түгел икән!..

***

Балалар өйөндә ауырып ятыусы уҡытыусы апайҙарының хәлен белергә килә. Уҡытыусы карауатта ята, өҫтәлдә - туп-тулы дарыу , маңлайына еүеш таҫтамал һалған. Бер аҙҙан ул күҙҙәрен аса ла:

– Бөгөн кем дежурный !? Сепрәкте генә еүешләп алып килегеҙ әле!