Әлшәй хәбәрҙәре
-29 °С
Болотло
75 лет Победы
Бөтә яңылыҡтар
Вәт, ҡыҙыҡ!
29 Ноябрь 2019, 12:10

Былар ҡыҙыҡлы

* Ҡаҙҙар – моногам ҡош-ҡорт, йәғни ата һәм инә ҡоштар бер-береһенә тоғролоҡ һаҡлай! Тол ҡалһалар, бер нисә йыл яңғыҙ йәшәйҙәр.


* Оя йылы булһын өсөн, инә ҡаҙ үҙенең мамығын йолҡоп, төҙөлөш материалы сифатында ҡуллана, ә ваҡытлыса ташлап киткәндә, ояны үлән йәки ағас ботаҡтары менән йәшерергә тырыша.

*l Ата ҡаҙ ояһына ҡурҡыныс янаһа, бик уҫалға әйләнә, хатта кешеләрҙе лә ныҡ итеп йәрәхәтләүе бар.

* Ҡаҙҙар 25 йылға тиклем йәшәй ала.

* Бәпкәләр сыҡҡас та, бер тәүлектән һуң йөҙә алалар.

* Тибетта ҡаҙҙы изге ҡош тип һанайҙар.

* Ҡаҙҙар 8 километр бейеклеккә тиклем күтәрелеп оса, рәсми теркәлгән рекорд – 10 километр, бындай бейеклектә кеше кислород битлеге булмаһа, иҫтән яҙа.

* Ҡаҙҙар өсмөйөшкә теҙелеп осалар. Ошо рәүешле һауаны йырып барғас, көс­тә­ре юҡҡа сарыф ителмәй. Нисек тура ки­лә, шул рәүешле тупланып хәрәкәт итһәләр, ике тапҡырға яйыраҡ осорҙар ине.

* Бөтә ҡаҙҙарҙың да тәпәйҙәре ҡыҙыл түгел – был уларҙың тоҡомона бәйле.
"Башҡортостан" гәзитенән алынды.
фото/яндекс
Читайте нас в