Әлшәй хәбәрҙәре
-3 °С
Болотло
Бөтә яңылыҡтар
Вәт, ҡыҙыҡ!
21 Октябрь 2019, 13:56

Йондоҙнамә (21-27 октябрь)

Йондоҙҙар беҙгә юл күрһәтә, әммә яҙмышың үҙ ҡулыңда, тип киҫәтә.

Ылаҡ (22.12 – 20.01)
Был арала яҡын киләсәккә уй-маҡсат­тар менән уртаҡлашырға ҡушылмай. Кешеләрҙең уларҙы яңылыш аңлауы ихтимал. Уҡып йөрөгәндәрҙең һәм белемен арттырғандарҙың етди ҡыйынлыҡҡа осрауы бар. Күптән көткән аҡса килер.
Һыуғояр (21.01 – 19.02)

Осраҡлы рәүештә ниндәйҙер серҙе бе­лер­һегеҙ кеүек. Телегеҙ ҡысытып торһа ла, уны эсегеҙҙә тотоғоҙ. Матди хәлегеҙ бигүк тотороҡло түгел. Шаршамбыла һис тә уйламаған сығымдар булыр. Был арала аҡсағыҙҙы кеҫәгеҙҙә тотоуығыҙ хәйерлерәк.


Балыҡ (20.02 – 20.03)

Аҙна барышында алдан төҙөгән маҡ­саттарығыҙ буйынса эш итегеҙ. Бик өмөт­лө күренгән тәҡдимдәргә алдана күрмә­геҙ. Кесе йомала кемдер һеҙҙе яңылыш юлдан китергә өндәр. Һаҡ булығыҙ. Үҙегеҙгә ял бирергә онотмағыҙ.


Ҡуҙы (21.03 – 20.04)

Осор уртаса килер. алға ҡарауҙан бигүк файҙа булмаҫ, бөгөнгө көн менән йәшә­геҙ. Күп һөйләгән кешеләргә артыҡ ышан­мағыҙ. Шишәмбелә алданыуығыҙ ихтимал. Үҙегеҙ ҙә асылып бармағыҙ, бөтә кешегә лә ярап булмағанын беләһегеҙҙер.


Буға (21.04 – 21.05)

Осраған ҡыйынлыҡтарҙы хәл итеү әллә ни ауыр булмаҫ һымаҡ. Шишәмбелә генә ярҙам эҙләргә тура килер. Йәмәғәт эштәре менән дә булышырға тура килер, уларҙан ҡотолоп булмаҫтыр. Бәғзеләрҙең икенсе эшкә күсеү мөмкинлеге тыуыр.


Игеҙәктәр (22.05 – 21.06)

Ниндәйҙер күптән туҡтап торған эште урынынан ҡуҙғата алырһығыҙ һымаҡ. Әллә ни күп көс түкмәй, уны ыңғай ғына тамамлап та ҡуйырһығыҙ. Шишәмбелә уйламаған сығымдар булһа, йома көтөлмәгән килем алыуығыҙ бар.


Ҡыҫала (22.06 – 23.07)

Был арала ҡулығыҙға аҡса инеп торор, ләкин уның байтаҡ өлөшөн кире ҡайтарырға тура килер, бәлки. Кемдер күптән онотолған ваҡиғаларҙы иҫегеҙгә төшөрөр. Был һеҙгә оҡшамаҫ, әлбиттә. Йомалағы хәлдәр кәйефегеҙҙе мотлаҡ күтәрер.


Арыҫлан (24.07 – 23.08)

Ҡайһы бер кешеләр арҡаһында эшегеҙҙә кире хәлдәр килеп сығыр. Мөнәсәбәттәрҙе асыҡлауҙан бер ниндәй ҙә файҙа булмаҫ. Күберәк үҙегеҙгә иғтибар бирегеҙ, бәләкәй сәбәп менән дә табиптарға күренегеҙ.


Ҡыҙ (24.08 – 23.09)

Ғаиләләге хәлдәр ҡыуандырып торор. Аралашыуҙа ниндәйҙер яңылыҡ һиҙелер кеүек. Элек хәл итә алмаған мәсьәлә буйынса ла уртаҡ фекергә килә алырһығыҙ. Йондоҙҙар был арала өйҙәге әйберҙәрҙе күсерергә ҡушмай.


Үлсәү (24.09 – 23.10)

Өйҙәге мәшәҡәттәр байтаҡ ваҡыты­ғыҙ­ҙы алыр. Килеп сыҡҡан мәсьәләләрҙе тыныс ҡына, ашыҡмай хәл итергә тыры­шы­ғыҙ. Алыҫ киләсәккә маҡсаттарығыҙҙы ваҡытлыса кисектереп тороуығыҙ дөрөҫ булыр. Йомала уйламаған ҡунаҡтар килер.


Саян (24.10 – 22.11)

Һеҙҙең тирәләге хәлдәр иғтибарлыҡ һәм уяулыҡ талап итер. Бигүк алыҫҡа ҡарамағыҙ, көндәлек эштәрегеҙ менән булығыҙ. Шаршамбыла кеше һүҙенә артыҡ ышанмағыҙ, алданыуығыҙ ихтимал. Йондоҙҙар яңғыҙ ғына ял итергә кәңәш итә.


Уҡсы (23.11 – 21.12)

Дүшәмбелә һеҙҙе ваҡ юғалтыуҙар һағалар. Ләкин был кәйефегеҙҙе һис тә төшөрмәҫ. Артабан дөйөм хәлегеҙ ыңғай яҡҡа үҙгәрер. Бөтә ҡыйынлыҡты хәл итеү юлдарын еңел таба алырһығыҙ. Кесе йомала ишеткән тәҡдимгә оҙаҡ уйламай ризалашығыҙ.



Читайте нас: