Йә, көлөп алығыҙ әле бер!

ЮХХДИ хеҙмәткәре юл сатында, "40 км" тигән знак аҫтында баҫып тора ти. Ни күрә, 41 км тиҙлек менән "Москвич" машинаһы килә.
Гаишник тиҙ генә һыҙғырып ебәрә, "Москвич" туҡтай. Оло ғына йәштәге бабай килеп сыға.
- Ниңә ҡағиҙә боҙаһың, бабай!? Аҡса түлә йә праваңды тартып алырға тура килә инде...
- Юҡ миндә аҡса!..
Шул ваҡытта яндарынан елдереп иномарка уҙып бара. Гаишник һыҙғырып ебәрә, иномарка туҡтай. Машинанан әзмәүерҙәй ир килеп сыға ла:
- Шунан, кем һыҙғырҙы?!
Гаишниктың йөҙөндә юғалыу, тауышы ла сыҡмай.
Бабай гаишникка төртә биреп:
- Правамды ҡайтар, әтеү хәҙер кем һыҙғырғанын әйтәм! - ти икән.
***

***

Ир өйөнә бик hуң ҡайтып инһә, ҡатыны «Мин hинең менән hөйләшмәйем!» тигән плакат менән ҡаршы алған, ти. Йә, ярар, тигәндәй, ир яурындарын hелкә лә, телевизор ҡарарға ултыра. Бер аҙҙан телевизор алдына ҡатыны икенсе плакат менән килеп баҫа. Унда: «Ни өсөн икәнен беләhеңме?» – тип яҙылған.

***

***

Подъезд төбөндә эскәмйәлә ике ҡарсыҡ һөйләшеп ултыра:
– Факиһа, ишеттеңме әле?! Дүртенсе ҡаттағы Вәлитте сифилис менән "бүләкләгәндәр"!
– Тапҡандар кемде бүләкләргә!!! Ул алкаш уны йә һатып эсәсәк йә юғалтасаҡ!

***