Бөтә яңылыҡтар
Вәт, ҡыҙыҡ!
23 Октябрь 2018, 13:35

Бер ҙә моңһоу түгел көҙҙәр!

Бер ир дуҫына зарлана:

– Беләһеңме, ҡатындан шикләнә башланым... Хыянат итә, ахырыһы...

– Ниңә улай тиһең, дуҫ!?

– Икенсе ҡалаға йәшәргә күсеп киттек. Тик өйгә һаман шул уҡ сантехник килә...


***

Үткән быуат баштары. Өфө урамы буйлап ҡысҡыра-ҡысҡыра бер гәзит һатыусы малай йүгерә:

– Сенсация! Сенсанция! Бик ҡыҙыҡлы хәбәр! Алтмыш кешене төп башына ултыртҡандар!

– Ҡана-ҡана, малай, гәзитең күпме тора? - ти бер ир.

– 10 һум, ағай! Алығыҙ!

– Мә, тот! Килтер гәзитеңде.

Малай йүгерә-йүгерә юлын дауам итә:

– Сенсация! Сенсация! Уҡырға ашығығыҙ! Алтмыш бер кешене төп башына ултыртҡандар!!!


***

Юғары уҡыу йорто студенттары имтихан тапшырған көн. Аудиторияға профессор килеп инә лә:

– Кем яуап бирә - БИШ! Минең исемем нисек?

Тынлыҡ.

- Йә, ДҮРТЛЕЛЕК һорау: бөгөн ниндәй фәндән имтихан тапшыраһығыҙ?

Бер кем өндәшмәй.

- ӨСЛӨЛӨК һорау... Дәреслектең тышында нимә тип яҙылған?

Арттағы партала икәү шыбырлаша:

- Ҡарале, ә! Нисек батыра был!..


***

ЮХДДИ хөҙмәткәре сираттағы машинаны туҡтата ла:

- Ниңә хәүефһеҙлек ҡайышын эләктермәй йөрөйһөгөҙ!? - тип һорай.

- Как будты һеҙ быға шат түгел инде!!! - ти икән водитель.
***

- Ниндәй генә ГАИшник туҡтатмаһын, эстеңме, тип һорай ҙа торасы... Юҡ, исмаһам, береһе булһа ла, "Ашаныңмы?" - тип һораһасы!!!