Йылмайып алайыҡ әле!

Бөгөн эскәмйәгә ултырҙым да, тәмәке тартыуҙы ташларға, иҫерткес эсемлектәр менән артыҡ мауыҡмаҫҡа, яңы эш табырға кәрәклеге тураһында уйға баттым. Һәм, ахыр сиктә, башҡа бер ҡасан да эскәмйәгә ултырмаҫҡа ҡарар иттем.

«Домодедово» аэропортында теркәлеү өҫтәле эргәһендә бер ир:

– Һеҙ минең бер сумаҙанымды – Лондонға, ә икенсеһен Хабаровскиға оҙата алаһығыҙмы? – тип һорай.

– Юҡ, – тиҙәр уға, – беҙ ундай эш менән шөғөлләнмәйбеҙ.

– Быныһы бик яҡшы, – ти ир. – Юғиһә үткән айҙа «Внуково» аэропортында сумаҙандарымды шулай оҙаттылар.

***

Магазинда ике әхирәт һөйләшә.

– Һин нисек уйлайһың, ниндәй открытка алайым икән: «Минең ҡуянҡайыма» әллә «Минең бесәйемә» тигәненме? – ти береһе.

– Нимә хөрмәтенә һуң?

– Эй, иртәгә минең кәзә тәкәһенең тыуған көнө бит.

***

– Әсәй, мин сәғәт нисәлә тыуҙым?

– Иртәнге алтынсы яртыла.

– Эй, бигерәк иртә булған икән. Сәй эсергә лә өлгөрмәгәнһеңдер инде.

***

Бер ҡатын күршеһенә зарлана:

– Һинең өс улың көн һайын минең баҡсама төшә.

– Эй, Алла! Дүртенсеһе ҡайҙа йөрөй икән инде?!

***

Юлда «Мерседес» машинаһы туҡтап ҡала. Ҙур тығын барлыҡҡа килә. Водителдәр ҡот осҡос итеп сигнал бирә. Шул саҡ һүнгән машинанан иҫ киткес матур кейенгән һары сәсле сибәр ҡыҙ сыға ла беренсе торған машина эргәһенә килә һәм:

– Эй, йәш кеше, минең «Мерседес» менән нимә булды икән, ҡарамаҫһығыҙмы? Ә мин ул арала һеҙҙең машинала сигнал биреп ултырырмын, – ти.

***Өс таможня хеҙмәткәре дүртенсе хеҙмәткәрҙең тыуған көнөнә нимә бүләк итергә тип аптырай.

– Әйҙәгеҙ, 600-сө “Мерседес” бүләк итәбеҙ.

– Оноттоғоҙмо ни, былтыр бүләк иттек тә һуң, – ти береһе.

– Улайһа, әйҙәгеҙ, Канар утрауҙарында йорт һалып бирәбеҙ.

– Унда йорто ла күптән бар бит.

– Уйлап таптым! Әйҙәгеҙ, бер сменала уның үҙен генә эшләргә ҡалдырабыҙ!

– Һин нимә, иҫәрләндеңме әллә? Шундай ҡиммәт бүләк яһарға кем тип беләһең беҙҙе?!

Читайте нас:

Новости партнеров

Был стипендия кемдәргә түләнә?

На уровне молекул