Бөтә яңылыҡтар
Вәт, ҡыҙыҡ!
22 Март 2018, 18:03

Бер йылмайып алайыҡ әле!

- Ҡәҙерлем, өҫ-башың туҙып киткән. Әйҙә магазинға барып һиңә яңы ойоҡбаш, яңы күлдәк ҡарайыҡ. Бер ыңғайы миңә тун да алырбыҙ.

Абитуриентҡа имтихан ваҡытында һорау бирәләр:

– Һеҙ Аҡмулла менән танышмы?
– Юҡ.
– Ә Ерәнсә сәсән менән?
– Юҡ.
– Ә Салауат Юлаев, Зәки Вәлиди, Шәйехзада Бабич, Ниғмәти, Рәми Ғарипов, Мостайҙар менән?
– Юҡ.
– Сығырға мөмкин.
Сыҡҡас, ишек янында өймәләшеп торған башҡа абитуриенттар быны һырып ала:
– Ҡабул иттеләрме?
– Юҡ, бында блатың, брат-ысватың буйынса ғына ҡабул итәләр икән, - тигән була, ти.
***
Төн уртаһында өйөнә ҡайтып ингән ҡыҙ:
– Ааатааай, әгәр мин әхирәтемдең тыуған көнөнөндә булып ҡайттым икән, ниңә һин мине шунда уҡ иҫерек тип күрәһең ул?
– Мин атайың түгел, ә әсәң! Бына, атаң торһон әле!..
***
- Улым, ниңә математичка менән физруктың үбешкәнен барыһына ла һөйләп бөттөң?
- Һуң, математичка үҙе һораны ла инде...
- Нисек инде үҙе һораны?!
- Дәрестә ултыра инек, миңә: "Закир, ниңә көлөп ултыраһың унда. Әйҙә, бөтәһенә лә һөйлә, беҙ ҙә көләйек!" тине...