Әлшәй хәбәрҙәре
-16 °С
Болотло
75 лет Победы
Бөтә яңылыҡтар
Спорт
13 Декабрь 2018, 17:24

Ҡышҡы миҙгел асылды

Раевкала саңғы ярыштары буйынса район беренселеге уҙҙы.

Быйылғы ҡышҡы миҙгелде асыуға арналған традицион сара ысын мәғәнәһендә спорт байрамына әүерелде. Ҡар ҡатламы ҡалын булмаһа ла, спортсылар быйыл тәүге тапҡыр саңғы юлына баҫты.

Ярыштарҙа дөйөм белем биреү учреждениелары, предприятиелар, ойошмалар һәм ауыл биләмәләренең 31 командаһынан 250-нән ашыу кеше ҡатнашты.

Район хакимиәте башлығы Дамир Мостафин саңғысыларға уңышлы старттар, ҡышҡы миҙгелдә үткәрелгән сараларҙа әүҙем ҡатнашыуҙарын һәм сәләмәт йәшәү рәүеше алып барыуҙарын теләне.

Ярыш йомғаҡтары буйынса төп дөйөм белем биреү мәктәптәре араһында - ниғмәтуллалар, урта мәктәптәр араһында – ыҫлаҡтар, физик культура һәм ауыл биләмәләре коллективтары араһында Раевка гимназияһы беренсе урынға сыҡты.

Барлыҡ ҡатнашыусылар ҙа саңғыла йөрөй белеү оҫталығы һәм команда берҙәмлеге күрһәтеп, дистанцияны уңышлы үтте. Еңеүселәр һәм призерҙар район хакимиәтенең спорт һәм йәштәр сәйәсәте комитетынан миҙалдар, грамоталар һәм кубоктар менән бүләкләнде.

Динар ӘХМӘҘРИСЛАМОВ,
спорт һәм йәштәр сәйәсәте комитеты рәйесе.