Әлшәй хәбәрҙәре
-24 °С
Болотло
75 лет Победы
Бөтә яңылыҡтар
Спорт
26 Июль 2018, 12:18

Бүләккә – яңы спорт залы

Районыбыҙҙа “Берҙәм Рәсәй” партияһының “Балалар спорты” федераль проекты уңышлы бойомға ашырыла.

Былтыр федераль, республика һәм урындағы бюджеттарҙың финанслауы һөҙөмтәһендә Шафран һәм Никифар ауылдары уҡыусылары яңы уҡыу йылы башланыуға капиталь ремонтланған спорт биналары алды, ә быйыл иһә Аксен ауылы мәктәбе лә проектта ҡатнашты.

Аксен мәктәбенең спорт залын ремонтлауҙы финанслауҙың дөйөм суммаһы 1 млн 200 мең һум тәшкил иткән. Эштәр тамамланған да инде. Бинаның түшәме капиталь ремонтланған, ишектәр, йылылыҡ системаһы алмаштырылған, электр-монтажлау эштәре башҡарылған, автоматлаштырылған янғын сигнализацияһы ҡуйылған. Бынан тыш, елләтеү системаһы булдырылған, ике сисенеү бүлмәһе тулыһынса яңыртылған.

- Ремонт эштәре планға ярашлы үткәрелде. Яңы уҡыу йылында балалар бөтә хәүефһеҙлек талаптарына яуап биргән яңы спорт залында шөғөлләнер һәм төрлө ярыштарҙа ҡатнашып миҙалдар яулар, - тине Аксен мәктәбе директоры Д. А. Сидоров.

Читайте нас в