Бюджет өлкәһендә эшләүселәргә хеҙмәт хаҡы арта

Башҡортостан Башлығы Рөстәм Хәмитов дәүләт учреждениелары хеҙмәткәрҙәренә эш хаҡын арттырыу тураһында Указға ҡул ҡуйҙы.

Республика Хөкүмәте матбуғат хеҙмәте хәбәр итеүенсә, 2018 йылдың 1 ғинуарынан бюджет өлкәһендә эшләүсе хеҙмәткәрҙәрҙең эш хаҡы дүрт процентҡа артасаҡ. Ул мәғариф, фән, мәҙәниәт, һаулыҡ һаҡлау, халыҡты социаль яҡлау, спорт, йәштәр сәйәсәте, тәбиғәттән файҙаланыу һәм экология, ауыл һәм урман хужалығы, ветеринария өлкәһендәге дәүләт һәм муниципаль учреждениеларҙың барлыҡ хеҙмәткәрҙәренә ҡағыласаҡ.