“Ярҙамың өсөн рәхмәт, улым!”

Артабан мин оҙаҡ ҡына дауаханала яттым, ул унда ла хәлемде белешеп, һаулығымды һорашып торҙо. Кирилл бик тәртипле, яуаплы һәм изге күңелле малай. Уҡытыусылары һәм синыф етәксеһе лә уны яҡшы яҡтан ғына телгә ала. Уға теләһә ниндәй эште ышанып тапшырырға мөмкин, тиҙәр. Егет биология, географияны ярата, был фәндәр буйынса район олимпиадаларында призер ҙа булған.

Район гәзите аша Кирилдың ата-әсәһенә, башҡорт лицейы уҡытыусыларына шундай яҡшы ул һәм уҡыусы тәрбиәләгәндәре өсөн ихлас рәхмәттәремде еткергем килә.