Әлшәй хәбәрҙәре
-18 °С
Болотло
75 лет Победы
Бөтә яңылыҡтар
Шиғри тулҡындарҙа
30 Март 2020, 11:30

Һәр яҙ һайын теләр изге теләктәр бар:

Бәрәкәт булып һеңһен ергә ирегән ҡар,


Йәшел үлән сыҡһын берҙәм морон төртөп,
Тыуған яҡтарына әйләнеп ҡайтһындар ҡоштар.
Күңелле йыр көйләп аҡһын гөрләүектәр,
Бөрөләренә ҡыуанһын ағас-ҡыуаҡ,
Борсомаһын күңелдәрҙе ауыр уйҙар,
Ҡаршылаһын һәр кем яҙҙы байрам һымаҡ.
Зыян һалмай үтеп китһен сир-сорҙары,
Упҡын йотһон вирустарҙың бөтә көсөн,
Бер ярҙан икенсе ярға бәрелмәйек-
Ебәрелгәндер был афәт һынар өсөн.
Сыҡһаҡ ине шул һынауҙан һынмай ғына,
Изге хәбәр килтерһен гел, яҙғы елдәр.
Ышаныстың дилбегәһен бушатмайыҡ,
Тыныс булһын,матур булһын килер көндәр!
Гөлнур Ғиззәтуллина.
Читайте нас в