Кемдәр генә яратыр?

Көндәр аға, оса йылдар - күпме аралар Йөрәгемдә һүнмәй һаман янған яралар (Венер Ғәлимов).

Был донъяға беҙ килгәнбеҙ парлы булырға,

Бер-беребеҙҙе эҙләп табып, бергә ҡалырға

Әммә тормош була ҡырыҫ – яңғыҙлыҡ бирә,

Донъяларҙы дер һелкетеп һорағым килә.

Кемдәр генә, кемдәр генә мине яратыр?

Кемдәр генә, кемдәр генә мине йыуатыр?

Көндәр аға, оса йылдар - күпме аралар

Йөрәгемдә һүнмәй һаман янған яралар.

Күрешергә күңелкәйем эҙләй сәбәптәр,

Килеп кенә етерме икән ошо сәғәттәр.

«Һине һөйәм» - «Мин дә һине» - әйтербеҙ ҡасан?

«Һин бит минең парым!» - тиеп, хыялда ҡосам.

Һин дә яңғыҙ, мин дә яңғыҙ - был бит ҙур яң(ы)лыш

Осрашырға төшмәй юлдар - түгелдер яҙмыш!

Кистәр еткәс һауаларҙа яңғыҙ ай йөҙә

Иртән ҡояш айҙы эҙләп, үҙәкте өҙә.

Яңғыҙлыҡтан булмай икән тыныслыҡ табып,

Яңғыҙ ҡалһа аҡҡош илай, ҡанатын ҡағып.

Айырылмағыҙ - үкенескә ғүмер ҡалмаһын,

Йылдар үткәс үкһеп-үкһеп әйтер булмаһын.

Кемдәр генә, кемдәр генә мине яратыр?

Кемдәр генә, кемдәр генә мине йыуатыр?

Көндәр аға, оса йылдар - күпме аралар

Йөрәгемдә һүнмәй һаман янған яралар.

Күрешергә күңелкәйем эҙләй сәбәптәр,

Килеп кенә етерме икән ошо сәғәттәр.

«Һине һөйәм» - «Мин дә һине» - әйтербеҙ ҡасан?

«Һин бит минең парым!» - тиеп, хыялда ҡосам.

Венер ҒӘЛИМОВ.

Раевка ауылы.

Читайте нас:

Телефон

8-34754 (2-34-45)

Электрон почта

[email protected]

Адресы

452122, Альшеевский район, с. Раевский, ул. Кирова, 3

Реклама хеҙмәте

8-34754( 2-34-46)

Редакция

8-34754 (2-34-49

Кадрҙар бүлеге

8-34754 (2-34-47)