Бөтә яңылыҡтар
Шиғри тулҡындарҙа
18 Октябрь 2019, 13:10

Йәмле йәйҙәр үткән,көҙҙәр еткән,

Үҙәктәргә үтә һалҡыны.


Ҡайҙа ҡалды икән,ҡайҙа ҡалды,

Йәйге ҡояшҡайҙың ялҡыны?


Ҡайҙа ҡалды икән,икәү үткән,

Һуҡмаҡтағы парлы беҙҙең эҙ?

Юғалғандар эҙҙәр,моңһоуланған күҙҙәр,

Үҙәктәргә үтә һалҡын көҙ.


Бәғерҙәрҙе өтә һағыныуҙарым

Йәмле йәйҙәй йәшкелт күҙҙәрҙе.

Һары һағыш кеүек,һары япраҡ баҫҡан

Йәшлегебеҙ үткән эҙҙәрҙе.