Үтә икән...

(,,Үткән ғүмер-аҡҡан һыу".Мәҡәл.)

Үтә икән,барыһы үтә

Теҙелгәндәй епкә.

Үҙебеҙ кеүек ашығып,

Ғүмеркәйҙәр үтә.

Аҡ һыҙат,ҡара һыҙаттар

Бармай бит ул күпкә.

Гел бер төрлө тормай тормош-

Үтә, барыһы үтә.

Ҡайһы саҡта йөрәккәйҙе

Кеше һүҙе өтһә,

Тотҡан ерҙән ҡапыл өҙмә-

Үтә,барыһы үтә.

Барыһы үтә-шуға күрә

Сүпкә абынмайыҡ.

-Теге тегеләй тигән,-тип,

Дөрләп ҡабынмайыҡ.

Елдәй етеҙ бит ул йәшәү-

Йүгерә лә китә.

Һаҡламайыҡ күңелдәрҙә

Йәбер,асыу,үпкә.

Бүлмәйек дуҫ-туғандарҙы

Ярлыға һәм байға.

Бер үк Ерҙән атлайбыҙ бит-

Осоусы юҡ айға.

Донъя булғас ғәжәп түгел

Күҙ йәштәре,зары.

Барыһынан ҡәҙерлерәк-

Һаулыҡ булһын бары.

Үткәндәр өсөн яуаплы

Бары тик үҙебеҙ.

Изгелектән,матурлыҡтан

Торһон һәр көнөбөҙ.

Читайте нас:

Телефон

8-34754 (2-34-45)

Электрон почта

[email protected]

Адресы

452122, Альшеевский район, с. Раевский, ул. Кирова, 3

Реклама хеҙмәте

8-34754( 2-34-46)

Редакция

8-34754 (2-34-49

Кадрҙар бүлеге

8-34754 (2-34-47)